„Ég er mjög ánægður, við sýndum virkilega góðan fótbolta í fyrri hálfleik og síðan bara rosalega gott skipulag í seinni hálfleik."
Sagði Brynjar Gestsson þjálfari ÍR eftir kærkominn sigur sinna manna gegn Fram.
Sagði Brynjar Gestsson þjálfari ÍR eftir kærkominn sigur sinna manna gegn Fram.
Lestu um leikinn: Fram 1 - 2 ÍR
„Menn unnu bara fyrir hvorn annan og við gáfum nánast engin færi á okkur. "
ÍR hafa verið í miklum vandræðum með að koma boltanum í netið en náðu að gera það í tvígang í kvöld.
„Þeir skora og við svörum því vel með tveimur mörkum. Við höfum nú ekki verið að skora úr þessum færum hingað til en við gerðum vel í dag og strákarnir fá mikið hrós fyrir."
Í seinni hálfleik duttu ÍR til baka og spiluðu gaðan varnarleik sem Fram áttu í vandræðum með að leysa.
„Við ætluðum ekki að leggjast svona mikið til baka. Við fórum mjög vel yfir Fram fyrir leik. Þeir hafa leyfi til að ferðast mikið um völlinn og þeir tvö- og þrefölduðu stundum úti á kanti og við leystum það vel. "
ÍR hafa alls ekki verið verra liðið í öllum sínum leikjum í sumar og hafa á köflum verið að spila flottan fótbolta.
„Þegar við tókum boltann niður og héldum honum í seinni hálfleik þá sköpuðum við færi. Þegar lið er búið að bíða lengi eftir sigri og ná ekki að nýta yfirburði í sumum leikjum þá er þetta fyrst skrefið og þetta var flott skref. Þetta féll með okkur í dag og það er gott fyrir sálina."
Sagði Binni en nánar er rætt við hann í sjónvarpinu hér að ofan.
Athugasemdir