Stærsta íþróttablað Spánar, Marca segir frá því í dag Evrópumeistarar Real Madrid hafi fengið til sín tvo syni Eiðs Smára Guðjohnsen, þá Andra og Daníel Guðjohnsen.
„Þótt svo Eiður Smári Guðjohnsen hafi spilað með Barcelona á ferli sínum, munu tveir af sonum hans spila með Real Madrid," segir í frétt Marca.
Andri Lucas Guðjohnsen er 16 ára en Daníel Tristan er 12 ára og ganga þeir til liðs við jafnaldra sína hjá spænska stórliðinu.
Andri hefur verið í akademíu Espanyol en Daníel hefur verið í La Masia akademíu Barcelona.
Barcelona reyndi að fá Andra til sín en fjölskyldan hefur ákveðið að flytja frá höfuðborg Katalóníu til höfuðborgar Spánar segir í frétt Marca.
Athugasemdir