Jóhann Berg í leiknum gegn Argentínu.
Óvíst er hvort Jóhann Berg Guðmundsson verði með íslenska landsliðinu í leiknum gegn Nígeríu í Volgograd á föstudaginn.
Jóhann meiddist á kálfa eftir rúman klukkutíma í 1-1 jafnteflinu gegn Argentínu á laugardaginn.
Helgi Kolviðsson, aðstoðarlandsliðsþjálfari, sagði á fréttamannafundi í dag að óvíst sé hvort Jóhann geti spilað á föstuadginn.
„Jói er tæpur. Ef hann verður ekki tilbúinn þá kemur maður í hans stað. Þetta er eitthvað sem við tökum endanlega ákvörðun um á morgun," sagði Helgi á fréttamannafundinum.
„Þetta verður tæpt. Það er alveg á hreinu. Við vonum það besta og gerum allt sem við getum gert."
Jóhann meiddist á kálfa eftir rúman klukkutíma í 1-1 jafnteflinu gegn Argentínu á laugardaginn.
Helgi Kolviðsson, aðstoðarlandsliðsþjálfari, sagði á fréttamannafundi í dag að óvíst sé hvort Jóhann geti spilað á föstuadginn.
„Jói er tæpur. Ef hann verður ekki tilbúinn þá kemur maður í hans stað. Þetta er eitthvað sem við tökum endanlega ákvörðun um á morgun," sagði Helgi á fréttamannafundinum.
„Þetta verður tæpt. Það er alveg á hreinu. Við vonum það besta og gerum allt sem við getum gert."
Rúrik Gíslason leysti Jóhann af hólmi gegn Argentínu og líklegast er að hann taki stöðu hans á kantinum á föstudaginn ef jóhann verður ekki klár.
Gylfi Þór Sigurðsson æfði ekki með öðrum landsliðsmönnum í gær en hann ætti að verða klár í slaginn fyrir leikinn gegn Nígeríu á föstudag. Gylfi fékk sjálfur að stýra álaginu á æfingu í gær eftir Argentínuleikinn en engin meiðsli eru hins vegar að hrjá hann.
Athugasemdir
