Ramiro Funes Mori, varnarmaður Everton, verður frá í sex til níu mánuði eftir að hafa farið í hnéaðgerð í Barcelona.
Funes Mori meiddist í landsleik með Argentínu í mars.
Funes Mori meiddist í landsleik með Argentínu í mars.
Hann spilaði ekki meira með Everton á síðasta tímabili eftir það og nú er ljóst að hann missir af stórum hluta næsta tímabils.
„Ramiro hefur verið í vandræðum með hné sitt. Hann er búinn að fara í aðgerð og þarf nú lengri tíma til að jafna sig. Hann verður frá í sex til níu mánuði," segir í yfirlýsingu frá Everton.
Funes Mori, sem lék 16 deildarleiki á síðasta tímabili, verður væntanlega í ákveðnu varahlutverki þegar hann hefur jafnað sig. Everton keypti Michael Keane frá Burnley fyrr í sumar.
Athugasemdir