Haukur Heiðar Hauksson.
Haukur Heiðar Hauksson, hægri bakvörður KR, var ánægður með 1-0 sigurinn á Fjölni í kvöld.
,,Þetta eru sætustu sigrarnir þar sem þú spilar ekki vel en vinnur 1-0," sagði Haukur Heiðar eftir leik.
,,Þetta eru sætustu sigrarnir þar sem þú spilar ekki vel en vinnur 1-0," sagði Haukur Heiðar eftir leik.
,,Þetta var mikill baráttuleikur. Við spiluðum ekki vel í dag og ég er sáttur með að leikurinn hafi endað 1-0."
,,Við vorum sofandi og það var deyfð yfir þessu hjá okkur. Þó að við höfum náð ágætum spilköflum inn á milli þá var ekki nógu mikil ákefð og þeir náðu að loka á okkur. Við náðum inn mikilvægu marki."
KR-ingar eru ennþá sex stigum á eftir FH og Stjörnunni sem eru í efstu sætunum.
,,Þessi lið fyrir ofan okkur halda áfram að vinna en við ætlum ekkert að gefast upp. Við ætlum að setja pressu á þá og vonandi fara þau að misstíga sig."
Hér að ofan má sjá viðtalið í heild sinni.
Athugasemdir
