Rut Kristjánsdóttir sýnir á sér hina hliðina að þessu sinni en hann leikur með Fylki í Pepsi-deild kvenna.
Rut Kristjánsdóttir lék sinn fyrsta meistaraflokksleik í efstu deild sumarið 2008 og hefur spilað yfir 70 meistaraflokks leiki með Fylki.
Rut Kristjánsdóttir lék sinn fyrsta meistaraflokksleik í efstu deild sumarið 2008 og hefur spilað yfir 70 meistaraflokks leiki með Fylki.
Fullt nafn: Rut Kristjánsdóttir
Gælunafn sem þú þolir ekki: Einhverjir í fjölskyldunni kölluðu mig túrbínan þegar ég var yngri því ég hljóp svo hratt, það væri reyndar notað í kaldhæðni í dag sem er frekar sorglegt.
Aldur: 20 ára
Gift/sambúð: Sambandi með einum skeggjuðum, myndarlegum og ekkert það grjóthörðum Ásgeiri Berki.
Börn: Neinei
Kvöldmatur í gær: Núðluskál á NAM.
Uppáhalds matsölustaður: Fastagestur á Vegamótum
Hvernig bíl áttu: Engan bíl.
Besti sjónvarpsþáttur: Biggest looser Ísland var mikil snilld og ég bíð í alvöru spennt eftir næstu seríu. Annars hefur Friends aldrei klikkað.
Uppáhalds hljómsveit: Mercy buckets, öll lögin þeirra þar sem söngvarinn getur slammað ótrúlega mikið og sveiflað skegginu.
Uppáhalds skemmtistaður: Danski, eða allavega ekki B5……
Frægasti vinur þinn á Facebook: Aron Gunnarsson landsliðsfyrirliði.
Hvernig hljómar síðasta sms sem þú fékkst: “Hvað er að frétta, er maður bara læstur inni?’’
Hefurðu tekið dýfu innan teigs: Ekki svo ég muni.
Hvaða liði myndir þú aldrei spila með: Aldrei ekki með Fylki held ég bara.
Besti leikmaður sem þú hefur mætt: Queen Olga Færseth í sjómann.
Mest óþolandi leikmaður sem þú hefur mætt: Freyja Viðars KR-ingur sýnir flotta leiklistarhæfileika við litla snertingu á vellinum, óþolandi. Samt ótrúlega fín stelpa.
Sætasti sigurinn: Þeir eru allir frekar ljúfir.
Mestu vonbrigðin: Tímabilið 2012 í heild sinni. 12 stig og fall.
Uppáhalds lið í enska: Manchester United
Ef þú fengir að velja einn leikmann úr öðru íslensku liði í þitt lið: Hörpu Þorsteins, hún er eiginlega svoldill svindlkall í pepsideildinni.
Fyrsta verk ef þú yrðir formaður KSÍ: Lyfta kvennaknattspyrnunni á hærra plan og stofna landslið á milli U19 og A-landsliðsins. Svo myndi ég láta næstu leiki eftir verslunarmannahelgina vera helgina eftir, ekki í miðri viku.
Efnilegasti knattspyrnumaður landsins: Hulda Hrund er mjög efnileg.
Fallegasti knattspyrnumaðurinn: Daði Ólafsson í Fylki er einn myndarlegur drengur.
Fallegasta knattspyrnukonan í deildinni: Signý Rún Pétursdóttir
Besti íþróttalýsandinn: Gummi Ben.
Hver er mesti höstlerinn í liðinu: Þær eru bara flestar frekar ástsjúkar.
Uppáhalds staður á Íslandi: Ekkert betra og fallegra en Aðaldalurinn fyrir norðan hjá ömmu.
Segðu okkur frá skemmtilegu atviki sem gerst hefur í leik: Í leik með 2 fl á æfingasvæðinu á Hlíðarenda þegar einn ákveðinn samherji minn var búinn að vera tæpur í bakinu fyrir leikinn og þegar um 60 mín voru búnar af leiknum stóð hún á miðjum vellinum og kallaði á Ingvar þjálfara og benti með miklum tilþrifum frekar neðarlega á bakið á sér. Ingvar hélt auðvitað að hún væri alveg farin í bakinu (miðað við bendingarnar) svo í næsta stoppi var gerð skipting, en í staðin fyrir að fara útaf á réttum stað spretti hún beina leið uppí hús. Áhorfendurnir voru frekar sjokkeraðir á hegðuninni á henni hvað hún hefði tekið því illa að vera skipt útaf og hlaupið í burtu í fýlu.
Þegar hún kom til baka, ‘búin að jafna sig’ þá leiðrétti hún reyndar það fyrir áhorfendunum að hún var víst ekkert að benda á bakið á sér heldur aðeins neðar, þá fór hún víst í maganum og gat bara ekki haldið í sér lengur.
Hvenær lékstu þinn fyrsta leik með meistaraflokki: 2008, 14 ára gömul.
Besta við að æfa fótbolta: Peningareitur daginn fyrir leik. Svo eru Fylkisstelpurnar líka miklir snillingar og gera allar æfingar skemmtilegar.
Hvenær vaknarðu á daginn: Er D manneskja þegar kemur að svefn. En 7:30 eftir nokkuð mörg snooze.
Fyrir utan knattspyrnu, fylgist þú með öðrum íþróttum: Jáá handbolta aðallega þá.
Hvenær borgaðir þú þig síðast inn á knattspyrnuleik: Líklegast bara síðasta útileik hjá Fylkisstrákunum.
Í hvernig fótboltaskóm spilar þú: F50 AdiZero.
Í hverju varstu/ertu lélegastur í skóla: Slökust í því að halda augunum opnum milli 8-10. Eftir það, ágæt í öllu.
Vandræðalegasta augnablik: Þegar Ragna Lóa mætti í adidasgallanum í undanúrslitaleikinn í bikarnum 2013 …. Og var bara ekkert að grínast með það.
Skilaboð til Freys Alexanderssonar: Áfram Ísland.
Viltu opinbera leyndarmál að lokum: Held það sé allt þarna úti bara.
Athugasemdir