Scarpini sér um að lýsa leik Stjörnunnar og Inter fyrir stuðningsmenn liðsins heima á Ítalíu. Hann er oft kallaður rödd Inter en stuðningsmenn félagsins þekkja hann vel enda sér hann um að lýsa öllum leikjum liðsins.

,,Ég held að þetta gæti orðið góður leikur. Ég held að þetta sé stærsti leikur lífsins hjá Stjörnumönnum, þeir eru að mæta frábæru félagi með fræga leikmenn en leikurinn er 90 mínútur þó svo það sé annar leikur eftir viku," sagði Scarpini við Fótbolta.net.

Margir leikmenn Inter eru ekki leikfærir og þá voru nokkrir leikmenn liðsins að hefja æfingar fyrir einungis tíu dögum síðan svo hópurinn er ekki í jafnvægi.

,,Inter er að byrja tímabilið á meðan Stjarnan er á miðju tímabili. Þó svo Inter er sterkara lið þá eru aðstæðurnar þannig að margt gæti breyst í þessu svo ég held að þetta verði mjög áhugaverður leikur."

,,Ég veit það ekki. Ég held að Inter undirbýr sig mikið fyrir leikinn og ég held að það sé svipað hjá þjálfara Stjörnunnar. Ég held að þetta gæti orðið áhugaverður leikur."

Inter er mætt aftur í Evrópukeppni eftir árs fjarveru en það er búist við miklu af liðinu.

,,Það er mikilvægt fyrir Inter að vera í Evrópu því við vorum ekki þar á síðustu leiktíð. Það er mikilvægt að komast áfram og ég held að leikmennirnir og þjálfarinn vilji þetta og muni gera allt sem í valdi þeirra stendur til að koma liðinu áfram."

,,Það eru tvö vandamál. Sumir leikmenn eru að koma úr meiðslum og sumir leikmenn sem voru að byrja að æfa fyrir tíu dögum. Þeir sem byrjuðu að æfa fyrir mánuði síðan eru í góðum málum svo hópurinn er ekki í jafnvægi."

,,Hann veit að það eru ekki allir tilbúnir í 90 mínutna leik og það er aðalvandamálið. Ég er viss um að nokkrir yngri leikmenn fá sénsinn en ég vona að Inter vinni þetta," sagði hann að lokum.