fim 20. ágúst 2015 10:15
Aðsendir pistlar
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Hæ þú! - Vertu með í fjörinu
Óskar Freyr Pétursson skrifar:
Aðsendir pistlar
Aðsendir pistlar
Tólfan lætur í sér heyra.
Tólfan lætur í sér heyra.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Ertu Íslendingur? Eða styður þú íslensku landsliðin? Ertu Tólfa?, þristur, nía eða heitir þú kannski bara Guðný?

Nú nálgast óðum tveir rosalega mikilvægir leikir hjá íslenska karlalandsliðinu í knattspyrnu. Eins og við vitum öll þá skiptir stuðningur við landsliðið gífurlegu máli á leikdag og þegar stuðningsfólk stendur sig vel gerir það leikmenn jafn stolta og þeirra frammistaða hefur gert okkur síðustu ár.

Fyrir nokkrum árum fór ég á landsleik með syni mínum og horfði á lítinn, en þéttan hóp stuðningsmanna syngja og tralla í stúkunni ská á móti. Ég skildi ekki alveg hvernig þau gátu verið svona fersk og kraftmikil því leikurinn var ekki sá besti, og staðan var ekki góð í leiknum, en þessi hópur fékk mig til að rífa mig aðeins upp og láta heyra aðeins í mér. Ég man að ég hugsaði að þetta hljóti að vera skemmtilegri leið til að vera á landsleik en að sitja þar sem ég sat og vera áhorfandi. Mig langaði til að vera þarna megin. Vera nær fjörinu. Í dag þarf þess ekki því að mæta á landsleik á Laugardalsvelli er upplifun í dag. Þökk sé ykkur.

Árið 2007 stofnuðu nokkrir drengir Tólfuna með Styrmi Gíslason, eða Don Styrmi fremstan í fararbroddi. Markmiðið var að gera Laugardalsvöll að gryfju sem enginn andstæðingur myndi mæta rólegur á. Í gegnum súrt og sætt fylgdu Styrmir, Benni bongo, Joey Drummer og fleiri drengir landsliðinu eftir og studdu þá. Það er einmitt staðan sem er í dag. Laugardalsvöllur er gryfja og enginn kemur rólegur á þann völl lengur.

Í gegnum árin hefur Tólfan barist með mis marga aðila innan síns hóps en staðið sig stórkostlega. Þessi skrif snúast þó ekki um Tólfuna, eða þó.. Jú ef þú vilt. Málið er nefnilega það að sama hvort þú kallir þig Tólfu eða ekki, en mætir á landsleiki og styður eins og þeir sem hafa mætt síðasta árið hafa stutt, þá ert þú að gera nákvæmlega það sem Styrmir og félagar voru að reyna að gera með stofnun Tólfunnar.

Fyrir okkur sem mætum á alla landsleiki eru örfá grunnatriði til að við teljumst sem stuðningsmenn. Kallaðu þig það sem þú vilt, en ef þú myndir tileinka þér þessi atriði þá ertu að leggja lóð þín á vogaskálarnar í að styðja íslenska landsliðið til að komast á sitt fyrsta stórmót í A landsliði Karla.

1. BLÁTT! Landsliðsbúningurinn er BLÁR og fyrir landsliðin okkar að sjá bláa stúku gerir neista að báli í hjörtum þeirra og kveikir enn frekar í þeim. Ef þú átt ekki landsliðstreyju, eða Tólfutreyju og ætlar ekki að kaupa þér...geeerðu það viltu mæta í einhverju öðru bláu. Það er svo mikilvægt og sýnir svo mikið hvað býr í hjörtum stuðningsmanna og þá samstöðu sem við viljum öll sýna landsliðum okkar.

2. Hafðu hátt! Ef þú treystir þér ekki til að syngja með þá klappaðu með okkur. Svo einföld er beiðni númer 2.

3. Ertu Tólfa? Viltu kalla þig Tólfu eða viltu það ekki? það er öllum sama hvað þú kallar þig ef þú mætir á leiki og styður. Stuðningssveitin Tólfan er nafnið á hópnum sem skipuleggur upphitun á Ölver á leikdag (Byrjar oftast kl 15), semur lögin og stýrir söngnum og stemningunni á vellinum og reynir að fá ykkur til að syngja með. Þar eru allir velkomnir sem vilja vera stuðningsfólk.

Nú nýverið hefur Tólfan lagt gífurlega vinnu í að skipuleggja ferðir á landsleiki erlendis og er búið að vera gaman að fylgjast með stjórn leggja ótal vinnustundir, að sjálfsögðu í sjálfboðavinnu, í að leita upplýsinga um hvernig er best að gera fimmtudaginn 3. september ógleymanlegan fyrir þá Íslendinga sem vilja vera á Dam torgi fyrir leik og hita upp.

Í dag eru stórkostlegir tímar í íslenskri knattspyrnusögu. Ísland er á toppi síns riðils og hafa sýnt það að þeir ætla að gera allt til þess komast á EM. Komast þeir??? Já ég trúi því, og ætla í það minnsta að gera allt sem ég get gert til þess að þeir komist

Ég er stoltur stuðningsmaður landsliðsins. Ég er reyndar eins falskari en flestir sem eru komnir af gelgjuskeiðinu, varla í formi til að hoppa og tralla heilan leik og ég er nokkra daga að jafna mig eftir hvern leik. En þetta er mín ástríða og ég get ekki hugsað mér að missa af heimaleik, þó vissulega muni ég missa af útileikjum af og til, en vonandi sem fæstum.

Hvert okkar finnur sína leið til að vera stuðningsmaður. Þú sem kemst ekki á leik, eða kýst frekar að horfa á leikina heima hjá þér, á bar, eða annars staðar getur verið jafn ástríðufullur stuðningsmaður og ég er og svo margir aðrir.

Í Amsterdam verðum við á stærri leikvangi en við erum vön. Það sem Hollendingar eru þekkt fyrir er að mæta í sínum appelsínugula lit og það er varla sála sem gerir það ekki.

Það er því ósk mín, og svo rosalega margra annara stuðningsmanna og kvenna að þú mætir í bláu á leiki landsliða okkar, sama hvort það sé í karla, kvenna eða ungmenna landsliða okkar. það sýnir svo ótrúlega mikinn stuðning, sýnir samheldni og kraft.

Ef þú vilt versla þér treyju þá eru Íslensku landsliðstreyjurnar til í flestum sportverslunum eða hjá Errea. Ef þú vilt kaupa þér Tólfutreyju þá ferðu bara á www.tolfan.is og pantar hana á slikk, sérmerkta þér. Ef þú vilt mæta í bláum jakkafötum, kjól, mála þig bláa eða bláan þá er það jafn gott.

Ef þú ætlar til Hollands og klikkar á þessu fyrir þann tíma þá verða Tólfutreyjur og landsliðstreyjur seldar á Dam torgi ásamt því að 100 + bláir bolir verða gefnir þar til þeirra sem þyggja.

Íslenskir stuðningsmenn munu koma til Hollands frá fjölmörgum löndum. Tólfan sendir sveit semi ungra sveina til Kaupmannahafnar 31. ágúst þar sem þeir munu smala saman Íslendingum og halda þeim upphitunarteiti þann 1. september ásamt því að standa fyrir ýmsum uppákomum fyrr um daginn þar sem leitaðir verða uppi Íslendingar. Þann 2. september sameinast svo Íslendingar í Amsterdam og á leikdag mun allt fyllast af Íslendingum þar.

Ef þið viljið fylgjast með þá er það einfalt - > Addið á Snap: tolfan og fotboltinet
Addið á instagram: tolfan12 eða addið á twitter: 12Tolfan

Af og til fram að 31. ágúst verða upphitunar snap á tolfan en 31. ágúst kemur fotboltinet snappið inn líka og verður þá vikuna og fram yfir leik.

Stuðningskveðjur - ÁFRAM ÍSLAND
Óskar Freyr Pétursson
Athugasemdir
banner
banner
banner
banner