,,Þetta er ekki eins dramatískt og þegar við fórum upp en ég er ótrúlega ánægður að við séum búnir að klára þetta. Gull í húsi og bikar í laugina. Það eru allir hressir," sagði Freyr Alexandersson annar þjálfara Leiknis eftir að liðið tryggði sér sigur í 1. deild karla í dag. Þegar liðið varð Reykjavíkurmeistari í fyrra stálust þeir að næturlagi í sundlaugina í Breiðholti og það er aftur stefnan núna eins og hann sagði.
Lestu um leikinn: Leiknir R. 4 - 0 Tindastóll
,,Við erum ekki að brjótast inn núna, það vita það allir. Það er bara opið hús sko," sagði Freyr og staðfesti að bikarinn sé á leið í laugina.
Vigfús Arnar Jósepsson fyrirliði Leiknis lék kveðjuleik sinn fyrir félagið í dag.
,,Það verður mjög vont að missa hann. Hann er bara þrítugur og hefur gert rosalega mikið fyrir okkur. Hann er ekki hraðasti leikmaðurinn og ekki sá harðasti svo það fer oft lítið fyrir honum en fyrir okkur að hafa þennan leiðtoga og þennan leiksilning og tækni er stórkostlegt. Hann er oft að taka lykilákvarðanir fyrir okkur inni á vellinum. við þurfum að leysa það hlutverk og strákarnir gera það."
Nánar er rætt við Frey í sjónvarpinu að ofan.
Athugasemdir