Hér til hliðar má sjá líkleg byrjunarlið að mati Guardian. Stevan Jovetic og Fernando eru á meiðslalista City en Pablo Zabaleta er klár í slaginn.

Diego Costa verður í byrjunarliði Chelsea þrátt fyrir þörf á að vera notaður sparlega vegna meiðsla aftan í læri. Að öðru leyti eru engar meiðslaáhyggjur hjá Jose Mourinho.

Chelsea er á toppi deildarinnar en frammistaða meistaraliðsins City hefur verið misjöfn og liðið er fimm stigum frá Mourinho og lærisveinum,

„Við verðum að vinna þennan leik á heimavelli okkar og hefja titilvörnina fyrir alvöru. Ef við vinnum verðum við tveimur stigum frá toppnum sem ég tel góða byrjun eftir að hafa leikið við Liverpool, Arsenal og Chelsea," segir Manuel Pellegrini, stjóri City.

Chelsea vann báða leikina gegn City á síðasta tímabili (eina liðið til að afreka það) og ef sigur vinnst á morgun verður átta stiga munur á liðunum.