Böðvar Böðvarsson, Böddi löpp, er ekki þekktur markaskorari en hann skoraði tvívegis gegn Braga í Evrópudeildinni í síðasta mánuði.
Í 81 deildar og bikarleik á Íslandi hefur Böðvar skorað eitt mark. Vinstri bakvörðurinn lét hins vegar til sín taka í leiknum í Portúgal. Hann skoraði þá tvívegis í kjölfarið á föstum leikatriðum.
Böðvar græddi vel á mörkunum því búið var að heita á hann ef hann myndi skora.
Í 81 deildar og bikarleik á Íslandi hefur Böðvar skorað eitt mark. Vinstri bakvörðurinn lét hins vegar til sín taka í leiknum í Portúgal. Hann skoraði þá tvívegis í kjölfarið á föstum leikatriðum.
Böðvar græddi vel á mörkunum því búið var að heita á hann ef hann myndi skora.
„Á æfingunni fyrir leik var Heimir (Guðjónsson) að stilla upp kerfunum og það var verið að æfa hornspyrnur. Böddi fékk að fara inn í en hann fær eiginlega aldrei að fara inn í. Hann fékk að fara inn í þarna og skoraði svakalegt skallamark," sagði Birgir Jóhannsson, framkvæmdastjóri FH, í viðtali í Sparkvarpinu á Kjarnanum.
„Axel Guðmunds, fjölmiðlafulltrúi og verkefnastjóri hjá okkur, sagði við Bödda að hann myndi borga honum tíu þúsund kall ef hann myndi skora á morgun. Haukur Heiðar (Hauksson), læknir, setti líka tíu þúsund kall á hann og Gaui (Guðjón Örn Ingólfsson) styrktarþjálfari líka."
„Þarna var hann kominn með 30 þúsund kall. Hann skoraði tvö mörk og fékk 60 þúsund kall í hús, drullusáttur. Ég veit ekki hvernig Bödda er búið að ganga að innheimta þetta en ég vona að menn standi við orð sín," sagði Birgir.
Smelltu hér til að hlusta á viðtalið við Birgi í Sparkvarpinu
Hér að neðan má sjá mörkin í leiknum.
Athugasemdir