Heimild: Heimasíða KA
Steinþór Freyr tekur eitt af sínum frægu flikk-flakk innköstum í leik með Stjörnunni árið 2010.
Steinþór Freyr Þorsteinsson hefur gengið frá tveggja ára samningi við KA. Hann snýr aftur í Pepsi-deildina næsta sumar eftir sex ára dvöl í atvinnumennsku í Danmörku og Svíþjóð.
„Ég valdi KA því að ég nenni ekki að mæta Tuðmanni (Guðmanni Þórissyni) á vellinum. Betra að hafa hann í sínu liði," sagði Steinþór í viðtali við heimasíðu KA eftir að samningurinn var í höfn en hann og Guðmann ólust upp saman hjá Breiaðbliki.
„Ég valdi KA því að ég nenni ekki að mæta Tuðmanni (Guðmanni Þórissyni) á vellinum. Betra að hafa hann í sínu liði," sagði Steinþór í viðtali við heimasíðu KA eftir að samningurinn var í höfn en hann og Guðmann ólust upp saman hjá Breiaðbliki.
„En annars leist mér vel á hópinn og metnaðinn sem virðist vera hjá þessu félagi. Ég hef verið í nokkrum liðum sem hafa farið upp um deild og það hefur alltaf verið mjög góður andi og skemmtileg upplifun að vera í svona hópi. Ég vona að tíminn hjá KA verði eins."
„Af hverju ég er að koma heim er að nokkru leyti fjölskyldan þar sem ég er kominn með 3 börn og það tekur á að vera frá öllum sem maður þekkir en líka er þetta kannski flottur tímapunktur fótboltalega séð. Ég hef gríðalega metnað ennþá og er í góðu formi. Fínt að koma heim í góðu standi en ekki þegar maður er útbrunninn og getur varla hreyft sig.“
Steinþór er spenntur fyrir því að spila með KA-mönnum í Pepsi-deildinni næsta sumar.
„Það er nú ansi langt síðan ég spilaði (í Pepsi-deildinni) en auðvitað er íslenski boltinn alltaf að verða sterkari og betri þannig að þetta verður gott „challange“ og vonandi náum við sem lið að sýna að KA á fullt erindi í efstu deild," sagði Steinþór við heimasíðu KA.
Athugasemdir
