Shaun Miller, framherji Carlisle, hefur verið dæmdur í tveggja leikja bann vegna leikaraskaps í leik Carlisle og Wycombe.
Nýjar reglur tóku gildi hjá enska knattspyrnusambandinu fyrir þetta tímabil og nú er sérstök nefnd sem getur dæmt menn í leikbönn eftirá fyrir leikaraskap.
Nýjar reglur tóku gildi hjá enska knattspyrnusambandinu fyrir þetta tímabil og nú er sérstök nefnd sem getur dæmt menn í leikbönn eftirá fyrir leikaraskap.
Miller veiddi dómarann í gildru og Carlisle fékk vítaspyrnu sem liðið skoraði úr.
Þriggja manna nefnd sagði ljóst að Miller hefði látið sig detta og var þessi þrítugi leikmaður dæmdur í bann. Hann er því sá fyrsti á Englandi sem fer í leikbann með þessum hætti.
Nefndin skoðar bara atvik sem leiða til þess að dæmd sé vítaspyrna eða andstæðingur rekinn af velli.
Athugasemdir