Fanndís Friðriksdóttir í leiknum í dag
Þýskir fjölmiðlar eru gáttaðir á tapi þýska kvennlandsliðsins gegn Íslandi í undankeppni HM í kvöld en Ísland vann leikinn 3-2 þar sem Dagný Brynjarsdóttir gerði tvö mörk.
Eins og áður hefur komið fram hér á Fótbolti.net er sigurinn sögulegur en þetta er fyrsta tap þýska liðsins í undankeppni síðan 1998.
Freyr Alexandersson, þjálfari íslenska liðsins, sagðist hafa fundið veikleika í þýska liðinu þegar hann tilkynnti hópinn fyrir stuttu síðan og það reyndist rétt.
Þýsku miðlarnir eru í losti yfir þessu tapi en Sport.de segir tapið vera skammarlegt fyrir Þýskaland.
Þetta var jafnframt fyrsti sigur Íslands á Þýskalandi.
Athugasemdir
