Ásgeir Marteinsson segir óákveðið hvar hann spili á næsta tímabili en hann er einn af mörgum ungum leikmönnum sem hafa sagt upp samningi sínum við Fram. Hann segir að Fram hafi ekki lengur getað uppfyllt sinn metnað.
„Mér leist ekki alveg nógu vel á stöðuna hjá félaginu og fannst liðið ekki nægilega sterkt lengur," sagði Ásgeir um Fram. Hann vonast til að leika í Pepsi-deildinni.
„Mér leist ekki alveg nógu vel á stöðuna hjá félaginu og fannst liðið ekki nægilega sterkt lengur," sagði Ásgeir um Fram. Hann vonast til að leika í Pepsi-deildinni.
„Maður lítur á það fyrst. Það eru einhver félög sem hafa haft samband en þetta er ekkert komið á neitt alvarlegt stig. Ég lít bara í kringum mig og sé hvað er í boði."
Ásgeir er tvítugur en hann skoraði þrjú mörk í þrettán leikjum í Pepsi-deildinni á liðnu tímabili. Hann lék með Fram í eitt tímabil en Bjarni Guðjónsson fékk hann frá HK.
Athugasemdir
