Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 20. nóvember 2014 14:30
Elvar Geir Magnússon
Giroud og Arteta geta spilað gegn Man Utd
Olivier Giroud.
Olivier Giroud.
Mynd: Getty Images
Olivier Giroud er til í slaginn á laugardag þegar Arsenal mætir Manchester United í stórleik í enska boltanum.

Franski landsliðssóknarmaðurinn hefur aðeins spilað tvo leiki á tímabilinu eftir að hafa orðið fyrir fótbroti gegn Everton í ágúst.

Hann hefur verið fljótari að jafna sig en reiknað var með.

Arsenal hefur aðeins unnið 5 af síðustu 14 mótsleikjum en það fer í taugarnar á stuðningsmönnum liðsins sem voru bjartsýnir eftir að peningum hafði verið varið í að styrkja liðið.

Mikel Arteta er einnig leikfær eftir að hafa ekkert spilað það sem af er þessum mánuði vegna meiðsla sem hann hlaut gegn Anderlecht í Meistaradeildinni. Stjórinn Arsene Wenger vill þó ekkert gefa upp um það hvort hann verði notaður alveg strax eða látinn ná sér 100%.

Enn eru nokkrar vikur í Laurent Koscielny og Mathieu Debuchy en Wenger segir að þeir séu á réttri leið í endurhæfingu sinni.
Athugasemdir
banner
banner
banner
banner