Óvíst hve lengi hann verður frá
Manchester United tilkynnti á Twitter síðu sinni að Daley Blind verði líklega frá í hálft ár vegna meiðsla á hné. Sú frétt hefur verið dregin til baka en þó sagt að hann spili ekki á næstunni.
„Hann er með hnélíf en eftir tíu daga hvíld mun hann fara í aðra myndatöku sem mun gefa okkur frekari fréttir af hans meiðslum," sagði Louis van Gaal á fréttamannafundi.
„Hann er með hnélíf en eftir tíu daga hvíld mun hann fara í aðra myndatöku sem mun gefa okkur frekari fréttir af hans meiðslum," sagði Louis van Gaal á fréttamannafundi.
Allir helstu fjölmiðlar Englands, þar á meðal BBC og Guardian, tóku tilkynningu United upp í gegnum Twitter og gerðu frétt um að tímabilinu væri líklega lokið hjá Hollendingnum.
Þær fullyrðingar eiga þó ekki við rök að styðjast en ljóst að hann verður frá í einhvern tíma. Þessi mál ættu að skýrast betur á næstu dögum.
Blind var keyptur til United frá Ajax í sumar en hann getur bæði leikið sem vinstri bakvörður og sem miðjumaður.
Þessi 24 ára leikmaður meiddist í 6-0 sigri Hollands gegn Lettlandi í undankeppni EM.
Ótrúleg meiðslavandræði hafa herjað á Manchester United en það eru þó ekki aðeins slæmar fréttir því Van Gaal segir að David de Gea og Angel Di Maria verði báðir klárir í slaginn á laugardag þegar liðið mætir Arsenal.
Luke Shaw er tæpur fyrir leikinn en reiknað er með að Michael Carrick geti leikið.
Wow, all of a sudden a lot of messages! Still working hard guys, but don't worry; I'll be back stronger! pic.twitter.com/4OCJm8YeAc
— Daley Blind (@BlindDaley) November 20, 2014
Athugasemdir