fim 20. nóvember 2014 13:22
Magnús Már Einarsson
Viktor Bjarki æfði með KR
Viktor í leik gegn KR í sumar.
Viktor í leik gegn KR í sumar.
Mynd: Fótbolti.net - Eyjólfur Garðarsson
Viktor Bjarki Arnarsson mætti á æfingu hjá sínu gamla félagi KR í fyrradag.

Viktor Bjarki er á förum frá Fram eftir að hafa leikið með liðinu undanfarin tvö tímabil.

,,Hann var að glíma við erfið meiðsli í allt sumar en er að fá botn í það mál núna," sagði Bjarni Guðjónsson þjálfari KR við Fótbolta.net í dag.

Viktor lék undir stjórn Bjarna hjá Fram í sumar en hann skoraði eitt mark í tuttugu leikjum í Pepsi-deildinni. Ekki hefur verið rætt um það hvort hann muni ganga í raðir KR.

,,Viktor er frábær fótboltamaður og þetta er eitthvað sem við munum skoða í framhaldinu."

Viktor Bjarki er 31 árs gamall miðjumaður en hann spilaði með KR frá 2008 til 2012.
Athugasemdir
banner
banner
banner
banner
banner