Andri Fannar Stefánsson hefur skrifað undir nýjan tveggja ára samning við Val. Þetta staðfesti Sigurbjörn Hreiðarsson, aðstoðarþjálfari Vals, í samtali við Fótbolta.net í dag.
Fyrri samningur Andra rann út í október en nú er ljóst að hann verður áfram á Hlíðarenda.
Andri spilaði ellefu leiki með Íslandsmeisturunum í sumar en hann lék bæði í stöðu hægri bakvarðar og á miðjunni.
Hinn 25 ára gamli Andri er uppalinn hjá KA en hann hefur leikið með Val síðan árið 2011.
Þá staðfesti Sigurbjörn að kantmaðurinn Haukur Ásberg Hilmarsson sé á förum frá Val en samningur hans rann út í síðasta mánuði. Haukur hefur undanfarin tvö tímabil verið á láni í Haukum í Inkasso-deildinni.
Sjá einnig:
Komnir/Farnir og samningslausir í Pepsi-deild karla
Athugasemdir