Elísabet Gunnarsdóttir, þjálfari Kristianstad, hefur verið valin þjálfari ársins í sænska kvennaboltanum.
Þetta var tilkynnt á galahátíð sem nú stendur yfir í Stokkhólmi.
Þetta var tilkynnt á galahátíð sem nú stendur yfir í Stokkhólmi.
Elísabet skákaði Joel Riddez hjá Djurgarden og Kim Björkegren hjá Linköping sem einnig voru tilnefndir í þessum flokki.
Í úrskurði dómnefndar kemur fram að Elísabet hafi unnið frábært starf við að móta lið og bæta þá einstaklinga sem hún hefur í sínum röðum.
Kristianstad hafnaði í fimmta sæti í sænsku kvennadeildinni. Í fyrra var liðið í fallbaráttu en gengi liðsins í ár var mjög gott. Elísabet skrifaði nýverið undir nýjan tveggja ára samning við Kristianstad.
Landsliðsmarkvörðurinn Guðbjörg Gunnarsdóttir, leikmaður Djurgarden, var tilnefnd sem markvörður ársins í sænska kvennaboltanum. Hedvig Lindahl, sænskur markvörður sem spilar fyrir Chelsea, hlaut verðlaunin.
Lalli og frú eru að sjálfsögðu á verðlaunahátíðinni í Svíþjóð 👑 #fotboltinet pic.twitter.com/coEuH5qlNO
— Fótbolti.net (@Fotboltinet) November 20, 2017
@ElisabetGunnarz til hamingju 📈🏆
— Dagur Sigurdsson (@DagurSigurdsson) November 20, 2017
Athugasemdir