„Félagið er í þeirri stöðu að það þarf mikinn tíma ef það á að koma þessu á einhvern kjöl aftur. Ég á ekki þann tíma, þetta er brjáluð vinna," segir Brynjar í samtali við 433.is.

Hann vill meina að ekki hafi verið deilur innan félagsins en viðurkennir að menn séu „ekki alveg að ganga í takt".

„Félagið er ekki á góðum stað, við getum lítið í fótbolta. Áttunda og níunda sæti í 1. deildinni síðustu tvö ár. Það er ekki boðlegt, það þarf mikið átak ef það á að gera eitthvað," segir Brynjar.

Fram hafnaði í níunda sæti Inkasso-deildarinnar undir stjórn hins portúgalska Pedro Hipólító á liðnu tímabili en Pedro stýrir liðinu áfram.