Pep Guardiola, stjóri Manchester City, segir að Phil Foden sé tilbúinn að spila sinn fyrsta mótsleik fyrir aðalliðið.
Guardiola íhugar að gefa þessum efnilega miðjumanni byrjunarliðsleik á Etihad á morgun þegar City mætir Feyenoord í Meistaradeild Evrópu.
Guardiola íhugar að gefa þessum efnilega miðjumanni byrjunarliðsleik á Etihad á morgun þegar City mætir Feyenoord í Meistaradeild Evrópu.
Foden var valinn leikmaður mótsins þegar England varð heimsmeistari U17 liða nýlega.
Foden hefur verið að æfa með aðalliði City síðan hann heillaði Guardiola í æfingaferð á liðnu sumri. Strákurinn spilaði meðal annars æfingaleikinn gegn West Ham sem fram fór á Laugardalsvelli.
Guardiola hrósar honum og spænska táningnum Brahim Diaz.
„Þetta eru tveir ungir leikmenn og miðað við það sem ég hef séð á undirbúningstímabilinu, á æfingum og á HM U17, þá eru þeir tilbúnir," segir Guardiola.
„Annars væru þeir ekki að æfa með okkur á hverjum degi. "
Guardiola hyggst hvíla margar stjörnur í leiknum á morgun þar sem City hefur þegar tryggt sér sæti í útsláttarkeppninni.
Athugasemdir