Carlo Tavecchio hefur ákveðið að stíga af forsetastóli ítalska knattspyrnusambandsins eftir að ítalska landsliðinu mistókst að komast á HM í Rússlandi.
„Ég bið ítölsku þjóðina afsökunar. Mér finnst þetta leiðinlegt," segir hinn 74 ára Tavecchio.
„Ég bið ítölsku þjóðina afsökunar. Mér finnst þetta leiðinlegt," segir hinn 74 ára Tavecchio.
„Mér mistókst og því stíg ég af stóli. Nú er tími fyrir ítalskan fótbolta að sigla inn í nýjan tíma."
Það var kallað eftir því að Tavecchio myndi axla ábyrgð á því að Ítalía verður ekki með á HM í fyrsta sinn í 60 ár. Áður hafði landsliðsþjálfarinn Giampiero Ventura verið rekinn.
Stjórn ítalska knattspyrnusambandsins fundaði í morgun og eftir þann fund ákvað Tavecchio að forsetatíð sinni væri lokið.
Sjá einnig:
Valtýr Björn pirraður út í Ventura og Tavecchio
Athugasemdir