Hannes Þór Halldórsson - 6
Ekkert við hann að sakast þó spurning sé hvort hann hafi mögulega getað gert betur í fyrra markinu.

Birkir Már Sævarsson - 5
Þokkalegur en ekki mikið meira.

Hallgrímur Jónasson - 5
Ekki nægilega sannfærandi.

Indriði Sigurðsson - 6
Gerði ekki nægilega vel í fyrra marki Svía en var að öðru leyti nokk traustur.

Ari Freyr Skúlason - 5
Átti nokkrar fínar fyrirgjafir en hefur oft verið betri.

Jón Daði Böðvarsson - 6 - Maður leiksins
Engin stjörnuframmistaða þó hann fái titilinn maður leiksins. Líflegur í byrjun leiks en svo fór að draga undan honum.

Theodór Elmar Bjarnason - 6
Greinilega ákveðinn í að sanna sig. Hljóp og djöflaðist en hefði getað skilað meiru fram á við.

Haukur Páll Sigurðsson - 3
Var í feluleik í fyrri hálfleik og tekinn af velli að honum loknum.

Steinþór Freyr Þorsteinsson - 4
Náði alls ekki að nýta tækifærið sem hann fékk og var talsvert frá sínu besta.

Matthías Vilhjálmsson - 6
Var að taka fín hlaup og sýndi dugnað þó það hafi ekki miklu skilað í dag.

Arnór Smárason - 5
Getur mikið mun betur.

Varamenn:

Björn Daníel Sverrisson - 5
Kom með smá líf í upphafi seinni hálfleiks en týndist svo.

Guðmundur Þórarinsson - 6
Sprækastur varamannana. Átti tvær mjög fínar marktilraunir. Heldur sér væntanlega á borðinu hjá Lars og Heimi.

Guðjón Baldvinsson - 5
Lét ekki mikið að sér kveða.

Sverrir Ingi Ingason - 4
Var að leika sinn fyrsta A-landsleik og átti slaka innkomu. Heppinn að gefa ekki mark strax og mistókst að loka á andstæðing í öðru marki Svía. Hristi svo af sér stressið og varð betri.

Guðmundur Kristjánsson og Kristinn Jónsson léku ekki nægilega mikið til að fá einkunnir.