Það er nóg að gerast í íslenska boltanum í dag, en hið langa undirbúningstímabil á Íslandi er komið á fulla ferð!

Í dag heldur Fótbolta.net mótið áfram að rúlla og er leikið bæði í A-deild og B-deild. Skagamenn taka á móti Grindavík og beint eftir þann leik hefst leikur FH og ÍBV, en báðir þessir leikir eru spilaðir í Akraneshöllinni.

Keflavík, sem leikur í Inkasso-deildinni, tekur svo á móti Breiðablik suður með sjó, en sá leikur er sýndur í beinni útsendingu á SportTV.

Í B-deild mótsins mætast Selfyssingar og KV á JÁVERK-vellinum á Selfossi í hádeginu. Bæði þessi lið eru að fara að leika sinn fyrsta leik í mótinu.

Það er einnig leikið í Reykjavíkurmóti karla og Kjarnafæðismótinu í dag, en hér að neðan er hægt að sjá alla þá leiki sem eru á boðstólnum í dag.