Spænska úrvalsdeildin heldur áfram göngu sinni í dag og verða fjórir leikir spilaðir. Eins og venjulega þá er frekar rólegur laugardagur í spænska boltanum.

Sverrir Ingi Ingason gekk í raðir Granada í vikunni og hann gæti leikið sinn fyrsta leik með sínu nýja liði í dag þegar Espanyol verður heimsótt.

Topplið Real Madrid, sem hefur aðeins verið að hiksta undanfarnar vikur, fær Malaga í heimsókna á Santiago Bernabeu. Madrídingar eru á toppi deildarinnar, stigi á undan Sevilla, en þetta stórveldi á þó leik til góða.

Tveir síðustu leikir dagsins eru þannig að Deportivo Alaves leikur gegn Leganes kl. 17:30 og lokaleikur dagsins er svo á milli Villareal og Valencia.