Haukar og Vestri áttust við í B-deild Fótbolta.net mótsins í Akraneshöllinni í dag.

Vestri hafði unnið einn leik og gert eitt jafntefli í mótinu fyrir leikinn í dag en þeir komust yfir á 48. mínútu þegar Pétur Bjarnason skilaði knettinum í netið.

Um 10 mínútum síðar skoraði Daníel Agnar Ásgeirsson og kom Vestra tveimur mörkum yfir.

Eftirleikurinn var auðveldur og lokatölur 2-0 fyrir Vestra sem er á toppi riðilsins með sjö stig. Haukar höfðu unnið eina leik sinn fyrir þennan leik, gegn Selfossi, og eru með þrjú stig.