sun 21. janúar 2018 14:34
Guðmundur Aðalsteinn Ásgeirsson
Sanchez er mættur á æfingasvæði Man Utd
Mynd: Getty Images
Alexis Sanchez er mættur á æfingasvæði Manchester United þar sem hann mun gangast undir læknisskoðun hjá félaginu. Hann var í bíl sem keyrði inn á Carrington, æfingasvæði United, fyrir nokkrum mínútum, en mynd náðist af honum.

Sanchez flaug til Manchester í dag en félagaskipti hans til Man Utd eru við það að ganga í gegn.

Henrikh Mkhitaryan mun fara í hina áttina en um er að ræða slétt skipti á leikmönnunum, hvorugt félag borgar kaupverð.

Það er ekki víst að félagaskiptin verði staðfest í dag. Það er líklegra að þau verði tilkynnt einhvern tímann á morgun.

Hér að neðan eru myndir sem sýna Sanchez í bíl sem keyrði inn við æfingasvæði Manchester United.






Athugasemdir
banner
banner