---

Manchester City vill fá meira en 20 milljónir punda fyrir markvörðinn Joe Hart (29) ef hann verður seldur í sumar. Hart er í láni hjá Torino á Ítalíu í dag en City er opið fyrir því að selja hann til keppinauta í toppbaráttunni á Englandi. (Times)

Moussa Sissoko (27), miðjumaður Tottenham, gæti farið til AC Milan í sumar. Sissoko varð dýrasti leikmaður í sögu Tottenham þegar félagið keypti hann á 30 milljónir punda síðastliðið sumar. (Daily Mirror)

Tottenham er ásamt Everton og Southampton í baráttu um Harry Maguire (23) varnarmann Hull. (Daily Star)

Arsenal ætlar að reyna að fá Lorenzo Insigne (25), framherja Napoli, í sínar raðir. Njósnarar Arsenal hafa fylgst vel með Insigne í vetur. (Sun)

Chelsea og Manchester City vilja bæði fá Thomas Lemar (21) frá Monaco. (Talksport)

Nicolas Otamendi (29), varnarmaður City, gæti verið á leið til Real Madrid. (AS)

Tottenham býst við að selja Nabil Bentaleb (22) til Schalke í sumar. Bentaleb hefur verið í láni hjá Schalke í vetur. (Evening Standard)

Lucas Perez (28) vill ekki fara frá Arsenal þrátt fyrir fréttir þess efnis að hann sé ósáttur með spiltíma sinn. (Daily Star)

Olivier Giroud (30), framherji Arsenal, er á óskalista Marseille. (Goal France)

Fabinho (23), miðjumaður Monaco, er til í að fara í ensku úrvalsdeildina en faðir hans segir að leikmaðurinn sé hrifinn af Manchester City. City mætir Monaco í kvöld. (Daily Mail)

Cedric Soares (25), hægri bakvörður Southampton, er á meðal bakvarða sem eru á óskalista Barcelona. (Daily Telegraph)

West Ham ætlar að hækka tilboð sitt í Kevin Malcuit varnarmann Saint-Etienne upp í tíu milljónir punda. Franska félagið hafnaði tveimur tilboðum frá West Ham í janúar. (Sun)

Bruma (22), kantmaður Galatasaray, vill fara til Manchester United. (Daily Express)

Tottenham vill kaupa Ryan Sessegnon (16), vinstri bakvörð Fulham. (Daily Mail)

Liverpool og Manchester United vilja bæði fá Malcom (19), framherja Bordeaux. Sjálfur vill Malcom fara til Sevilla. (Goal)

Leonardo Jardim, þjálfari Monaco, vill þjálfa lið í ensku úrvalsdeildinni í framtíðinni. (Daily Mirror)

Willian Jose (25), framherji Real Sociedad, er á óskalista West Ham. Jose hefur skorað níu mörk í La Liga á tímabilinu. (Calciomercato)

Tottenham og Arsenal eru að berjast um Issa Diop (20), varnarmann Toulouse. (France Football)

Leicester og Crystal Palace hafa bæði áhuga á Mario Lemina (23), miðjumanni Juventus. (Gabon Review)

Jan Vertonghen (29) telur að Totenham hafi nægilega breidd í hópnum til að berjast í ensku úrvalsdeildinni, enska bikarnum og Evrópudeildinni. (Guardian)