Busquets meiddist á ökkla í leik gegn Villarreal fyrr í mánuðinum og var um tíma óttast að hann yrði lengi frá.

Hann er nú búinn að jafna sig af meiðslunum og æfði með liðinu í gær og fyrradag. Hann gæti því snúið aftur í El Clasico.

Javier Mascherano hefur þó spilað frábærlega í fjarveru Busquets og alls óvíst hvort Luis Enrique færi hann aftur niður í varnarlínuna til að koma Busquets í byrjunarliðið.

Leikurinn fer fram á Nou Camp annaðkvöld klukkan 20.