West Ham unnu eins marks sigur á Sunderland á Upton Park í síðasta leik dagsins í enska boltanum.

Leikurinn var í járnum lengst af enda hvorugt liðið sýnt mikil sóknartilþrif upp á síðkastið og var lítil breyting á því í dag. Diafra Sakho framherji West Ham náði hinsvegar að tryggja liðinu þrjú stig með góðu marki á 88. mínútu.

Sakho skoraði sitt 9 mark á tímabilinu með góðu skoti í fjærhornið eftir að Mark Noble kom boltanum til hans hægra megin í teignum.

Með sigrinum fór West Ham upp fyrir Stoke City sem að tapaði gegn Crystal Palace í dag og eru í 9 sæti. Sunderland hefði getað komist upp fyrir Aston Villa með stigi úr leiknum en sitja í 17. sæti eftir tapið í dag.