Sænski framherjinn er gagnrýndur harðlega í fjölmiðlum í Frakklandi þessa dagana eftir ummæli hans um Frakkland en hann kallaði landið skítaland en ummælin voru í kjölfar dómgæslu sem hallaði ansi mikið á Parísarliðið.

Hann ákvað að skora þrennu gegn Lorient í frönsku úrvalsdeildinni í gær þrátt fyrir slæma umfjöllun frá frönsku blöðunum og hvetur Pastore þá til þess að halda áfram að gagnrýna Zlatan, sem virðist þrífast á þessu.

,,Það er rétt að Zlatan hefur verið gagnrýndur en mér er sama ef þið haldið áfram að tala illa um hann því þá getur hann skorað fleiri þrennur," sagði Pastore.