Mark Hughes, knattspyrnustjóri Stoke City á Englandi, segir að gengið verði frá samningum við Asmir Begovic, markvörð liðsins, eftir tímabilið.
Jack Butland, varamarkvörður Stoke, skrifaði á dögunum undir framlengingu á samning sínum við félagið en félagið ætlar sér einnig að framlengja við Begovic.
Begovic hefur verið lykilmaður í liðinu undanfarin ár en Hughes býst við að félagið semji við hann eftir tímabilið.
,,Við munum setjast niður með Asmir í sumar. Hann vill einbeita sér að leikjunum núna og ég skil það vel. Það er í lagi okkar vegna," sagði Hughes.
Athugasemdir