Heimir Hallgrímsson landsliðsþjálfari segir að umræðan varðandi Viðar Örn Kjartansson sé að baki, nú sé horft fram á veginn á leikinn mikilvæga gegn Kosóvó.
Heimir segir að þessi umræða hafi ekki truflað undirbúning íslenska liðsins.
Heimir segir að þessi umræða hafi ekki truflað undirbúning íslenska liðsins.
„Nei nei, við látum það ekkert hafa áhrif á okkur hér. Við viljum bara fókusera á þennan leik og viljum bara tala um þennan leik. Þessi umræða er bara búin. Ég nenni ekki að ræða þetta hérna. Við höfum reynt það hingað til að vera eins heiðarlegir og við getum. Samstarf okkur við fjölmiðla hefur verið með miklum ágætum. Við látum ekkert svona hafa áhrif á okkur," segir Heimir.
Íslenska landsliðið er í Parma á Ítalíu þar sem liðið er að búa sig undir mikilvægan leik gegn Kosóvó í undankeppni HM sem fram fer í Albaníu á föstudag. Á morgun flýgur hópurinn yfir.
Hopur Kosóvó hefur verið opinberaður.
„Þetta er mjög gott lið og flottir einstaklingar. Með hverjum leiknum sem þeir spila því skipulagðari og erfiðara verða þeir. Það sem við höfum kannski fram yfir þá er að við höfum verið lengi saman," segir Heimir.
Í viðtalinu hér að ofan ræðir hann nánar um undirbúninginn í Parma og komandi mótherja. Viðtalið var reyndar truflað af vökvunarkerfi vallarins eins og sjá má!
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir