Vökvarakerfið á Stadio Ennio Tardini, heimavelli Parma, truflaði viðtal Fótbolta.net við Jón Daða Böðvarsson fyrir æfingu íslenska landsliðsins í dag.
Jón Daði verður í eldlínunni gegn Kosóvó á föstudaginn en aðrir kant og sóknarmenn sem byrjuðu leiki Íslands á EM í fyrra eru fjarverandi.
Jón Daði verður í eldlínunni gegn Kosóvó á föstudaginn en aðrir kant og sóknarmenn sem byrjuðu leiki Íslands á EM í fyrra eru fjarverandi.
„Það er leiðinlegt að þessir flottu leikmenn eru meiddir en það er mikilvægt fyrir aðra að stíga upp. Ég hef engar áhyggjur af því," sagði Jón Daði en möguleiki er á að félagi hans frá Selfossi, Viðar Örn Kjartansson, myndi sóknarlínuna með honum í leiknum.
„Auðvitað er Viðar vinur minn og maður er spenntur fyrir því en maður er samt ekkert spenntari fyrir því en öðru."
Jóni Daða hefur gengið erfiðlega að skora í vetur en hann hefur ekki skorað með Wolves síðan í ágúst.
„Eðlilega fer þetta í taugarnar á manni. Maður er í þessu til að skora mörk og vinna leiki. Þetta tímabil er búið að vera mikið jó-jó hjá Wolves. Við erum búnir að vera í fallbaráttu og ég er búinn að spila mismikið. Þetta gerist því miður stundum á ferlinum og maður tæklar það eins og maður," sagði Jón Daði en hvað gerðir hann til að takast á við þetta mótlæti?
„Ég hugsa bara um sjálfan mig og tek einn dag í einu. Ég hugsa hvað ég get gert til að verða betri næsta dag. Það er það eina sem maður getur gert."
Hér að ofan má sjá viðtalið í heild sinni.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir