Hlutirnir hafa gerst hratt hjá Viðari Ara Jónssyni. Nýlega gekk hann í raðir Brann frá Fjölni og nú er hann valinn í A-landsliðið í fyrsta sinn í mótsleik. Viðar heillaði þjálfarana í æfingaleikjum í byrjun árs.
„Ég var staddur í æfingaferð með Brann á La Manga þegar ég fékk að vita að ég væri í landsliðshópnum. Ég ætlaði að fara að leggja mig en eftir að ég fékk símtalið fór ég bara beint í „gym-mið". Þetta voru mikil gleðitíðindi. Það er þvílíkur draumur að vera hluti af þessum hóp," segir Viðar.
„Þetta hefur verið mjög fljótt að gerast og síðustu vikur hafa verið virkilega „bissí" hjá mér. Ég tel mig vera kominn á rétta stað núna, hérna og úti. Þetta er allt á uppleið."
Fjölnismenn eru stoltir af því að eiga tvo fulltrúa í hópnum, Viðar og Aron Sigurðarson. „Fáum við RT fyrir FYRSTU A-landsliðmenn karla í mótsleik Í SÖGU FJÖLNIS,“ stóð á Twitter aðgangi Grafarvogsliðsins en Aron Jóhannsson svaraði því á léttu nótunum með orðunum „Illa vegið" en hann hefur leikið fyrir Bandaríkin á HM.
„Það var illa vegið að góðum Aroni. Hann er náttúrulega Kani, það er ekkert að marka það er það nokkuð?" sagði Viðar léttur en viðtalið má sjá í sjónvarpinu hér ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir