West Ham United er í slæmum meiðslavandræðum, en þrír lykilmenn voru að meiðast á síðustu dögum og eru því sex leikmenn frá vegna meiðsla.
Winston Reid og Pedro Obiang meiddust báðir í 3-2 tapi gegn Leicester City. Reid verður frá í minnst mánuð á meðan Obiang er frá út tímabilið.
Winston Reid og Pedro Obiang meiddust báðir í 3-2 tapi gegn Leicester City. Reid verður frá í minnst mánuð á meðan Obiang er frá út tímabilið.
Þá var Michail Antonio að draga sig úr enska landsliðshópnum vegna meiðsla sem munu líklega halda honum frá í um það bil mánuð.
Fyrir þessa óvæntu meiðslahrinu voru Gökhan Töre, Diafra Sakho og Angelo Ogbonna á meiðslalistanum.
Hamrarnir eru búnir að tapa þremur leikjum í röð og eru í tólfta sæti Úrvalsdeildarinnar sem stendur, níu stigum fyrir ofan fallsvæðið.
Næsti leikur liðsins er gegn Hull City þann 1. apríl, en svo eru leikir gegn Arsenal, Swansea og Sunderland einnig á dagskrá.
Athugasemdir