Milan Joksimovic
Milan Joksimovic, vinstri bakvörður KA, er ekki jafn illa meiddur og óttast var eftir að hnéskel hans færðist úr stað í leik gegn Breiðabliki í Lengjubikarnum á dögunum.
Milan er byrjaður að labba með spelku og ætti að verða klár í slaginn eftir 2-3. umferðir í Pepsi-deildinni.
Milan er byrjaður að labba með spelku og ætti að verða klár í slaginn eftir 2-3. umferðir í Pepsi-deildinni.
„Ég horfði á þetta aftur á myndbandi eftir leikinn og það var hræðilegt að sjá þetta," sagði Srdjan Tufegdzic þjálfari KA við Fótbolta.net.
„Þetta er allt saman jákvætt miðað við hvað gerðist. Öll liðbönd eru í lagi. Þetta er smá flís í hnéskelinni sem tekur 4-6 vikur að gróa. Ég vonast til að hann verði klár í byrjun maí, það er markmiðið."
Smelltu hér til að sjá myndband af atvikinu (37:10)
Ásgeir Sigurgeirsson, kantmaður KA, er einnig á góðum batavegi eftir að hafa farið í aðgerð vegna liðþófa meiðsla á hné. Hann ætti að verða klár í slaginn fyrir leikinn gegn Fjölni í 1. umferð þann 28. apríl.
„Hann er allur að koma til og planið er að hann byrji að æfa á fullu með liðinu þegar við förum út í æfingaferð í byrjun apríl," sagði Tufa.
Athugasemdir
