Hann er kominn á ról aftur og skoraði tvö mörk í varaliðsleik fyrir Nantes á dögunum.

„Það var frábært að finna aftur tilfinninguna þegar maður er að spila, og að skora líka þó fyrra markið hafi bara verið eitthvað pot. Það er æðislegt fyrir mig að vera kominn aftur á völlinn. Ég þarf leikform og líkaminn að venjast því aftur að spila fótbolta en ég tel mig vera á góðum stað."

Hann fékk lítilsháttar nárameiðsli í varaliðsleiknum með Nantes og ólíkelgt að hann spili vináttuleikinn gegn Mexíkó í Santa Clara á föstudagskvöld.

„Ég þarf að hvíla í nokkra daga en vonandi get ég náð leiknum Annars er ég ekki að setja pressu á mig að spila þann leik. Vonandi næ ég einhverjum mínútum gegn Perú (næsta þriðjudagskvöld) en við verðum bara að sjá hvernig það verður."

Hér að ofan má sjá stutt viðtal við Kolbein Sigþórsson en lengra viðtal við hann birtist á Fótbolta.net í morgun og má lesa það með því að smella hérna.

Ísland leikur vináttulandsleik gegn Mexíkó í Santa Clara á föstudagskvöld og flýgur svo til New York þar sem leikið verður gegn Perú í næstu viku.