Nick Pope markmaður Burnley segist vera tilbúinn í slaginn um markmannstöðu Englands fyrir HM.
Pope var kallaður í hóp Englands fyrir næstkomandi vináttuleiki á móti Ítalíu og Hollendingum.
Þessi 25 ára markmaður var valinn ásamt Joe Hart, Jack Butland og Jordan Pickford.
„Ég vill vera markmaður Englands á HM í sumar. Það væri gríðarlegur heiður fyrir mig að komast í landsliðshópinn á HM," sagði Pope.
Þrátt fyrir að vera að með minnstu reynsluna í hópnum hefur Pope haldið markinu hreinu oftast af þeim markvörðum sem Gareth Southgate þjálfari Englands valdi.
„Ég er hungraður og er tilbúinn að leggja mikið á mig til að halda mínu sæti í liðinu. Þetta er mikil áskorun, þrátt fyrir það er ég tilbúinn að takast á við hana," sagði Pope að lokum.
Athugasemdir