Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mið 21. mars 2018 13:44
Magnús Már Einarsson
Valur að fá þrjá erlenda leikmenn
Arianna Jeanette Romero í bikarúrslitaleik með ÍBV 2016.
Arianna Jeanette Romero í bikarúrslitaleik með ÍBV 2016.
Mynd: Fótbolti.net - Hafliði Breiðfjörð
Valur er að fá góðan liðsstyrk fyrir keppni í Pepsi-deild kvenna í sumar en þrír erlendir leikmenn eru á leið til félagsins.
Varnarmaðurinn Arianna Romero kemur frá Valerenga í Noregi, Teresa Noyola kemur frá FC Kibi í Japan og Crystal Thomas kemur frá Medkila Il í Noregi.

„Þær eiga eftir að fara í læknisskoðun og fá leikheimild en þær eru allar komnar til landsins og byrjaðar að æfa með okkur," sagði Pétur Pétursson þjálfari Vals, í samtali við Fótbolta.net í dag.

Arianna þekkir til í íslenska boltanum því hún lék með ÍBV sumarið 2016. Hún hefur skorað eitt mark í 31 leik með mexíkóska landsliðinu á ferli sínum.

Teresa spilar á miðjunni en hún á að baki 40 leiki með mexíkóska landsliðinu.

Crystal er bandariskur leikmaður sem spilar í fremstu stöðunum en hún lék í norsku úrvalsdeildinni síðari hlutann á síðasta tímabili.

Í fyrra voru mexíkósku leikmennirnir Ariana Catrina Calderon og Anisa Raquel Guajardo á mála hjá Val en þær eru báðar horfnar á braut. Ariana fór til Þór/KA og Anisa fór til Svíþjóðar.

Pétur Pétursson tók við þjálfun Vals síðastliðið haust en fyrr en fyrr í vetur kom landsliðskonan Hallbera Guðný Gísladóttir til félagsins.

Athugasemdir
banner
banner