Roy Keane, fyrrum leikmaður Manchester United, segir að það hafi sést greinilega í leik United gegn Anderlecht í gær af hverju Rauðu djöflarnir eru svona langt frá toppnum í ensku úrvalsdeildinni.
United klúðraði mörgum dauðafærum áður en Marcus Rashford skoraði sigurmarkið í framlengingu.
United klúðraði mörgum dauðafærum áður en Marcus Rashford skoraði sigurmarkið í framlengingu.
„Guð minn góður, þegar kom að því að klára færin var þetta svo lélegt að það var ótrúlegt. Þarna sást af hverju liðið er í fimmta sæti, 15 stigum á eftir Chelsea. Liðið er ekki nægilega gott í að klára færin og ganga frá leikjum," segi Keane.
„Venjulega er refsað fyrir þetta en þeir sluppu því þeir voru að keppa gegn veikara liði í Evrópudeildinni."
„Það var eins gott að Rashford hafi skorað sigurmarkið því menn hefðu beðið eftir honum við búningsklefann eftir færin sem hann klúðraði. Honum til varnar er hann enn að læra. Hraði Rashford er magnaður og hann er að komast í stöður vegna hraðans og fá færi, en hann verður að laga það hvernig hann klárar færin."
„Fólk heldur áfram að tala um viðhorf hans innan og utan vallar en færanýtingin verður að vera betri. Þegar leikmaður er svona snöggur þá reiðir hann sig alltaf á hraðann en hann verður að æfa sig og taka réttar ákvarðanir. Hann verður að skjóta meira á rammann, þegar hann hittir á markið þá skorar hann," segir Keane.
Athugasemdir