Huginn á Seyðisfirði hefur fengið varnarmanninn Milos Ivankovic til liðs við sig fyrir keppni í 2. deild í sumar.
Milos þekkir til hjá Hugin því hann var öflugur í vörn liðsins árið 2014. Eftir tímabil var hann valinn í lið ársins í 2. deildinni.
Árið 2015 söðlaði Milos um og lék með Fjarðabyggð en hann kom þá við sögu í ellefu leikjum í 1. deildinni.
Huginn mætir Hött eða Sindra í Borgunarbikarnum um aðra helgi áður en liðið mætir Njarðvík í 1. umferð í 2. deildinni þann 6. maí.
Huginn fékk í vikunni einnig góðan liðsstyrk þegar króatíski framherjinn Teo Kardum kom til félagsins. Teo þótti gífurlega efnilegur á sínum tíma en hann á yfir 50 leiki að baki með yngri landsliðum Króatíu.
Athugasemdir