Það eru fjölmargir leikir á dagskrá víðsvegar um Ísland í dag. Fjögur lið í Pepsi-deild karla spila sinn síðasta leik áður en deildin hefst í næstu viku.

Grindavík og Breiðablik mætast á grasi suður með sjó og í Egilshöll eigast Fjölnir og Fylkir við.

Mjólkurbikarinn er kominn á fullt skrið og fjórir leikir fara fram í keppninni í dag. Skallagrímur og Reynir S. mætast á Akranesvelli.

Magnamenn sem leika í Inkasso deildinni í fyrsta sinn í sumar mæta KF á Akureyri. Þá mætast Einheri og Leiknir F og Fram taka á móti GG á Framvellinum.

Einnig verður leikið í B og C deildum Lengjubikars kvenna. Selfoss og Grindavík mætast á JÁVERK-vellinum og þá eigast Fylkir og HK/Víkingur við í toppslag B deildarinnar.