Bjarni Ólafur Eiríksson skoraði jöfnunarmark Vals gegn Stjörnunni í Pepsi-deildinni í kvöld.
,,Það er alltaf gaman að skora. Ég spilaði þrjú tímabil í Noregi og skoraði eitt mark á tímabili, ætli kvótinn sé ekki að koma núna," sagði Bjarni Ólafur léttur í bragði eftir leik.
,,Við vorum slakir fyrstu 20 mínúturnar en þegar leið á leikinn fórum við að senda betur á milli okkar og færa boltann á milli kanta. Þá vorum við ívið sterkari en í lokin fengum við færi á okkur og fengum líka færi. Eitt stig er kannski sanngjörn niðurstaða."
Valsmenn vildu fá vítaspyrnu undir lok leiks en Guðmundur Ársæll Guðmundsson dómari leiksins var ekki á sama máli.
,,Ég sá það ekki nægilega vel til að geta dæmt um það. Ég ætla lítið að tjá mig um dómgæsluna. Hún er bara eins og hún er."
Hér að ofan má sjá viðtalið í heild sinni.
