Það sauð á Magnúsi Gylfason þjálfara Vals eftir 1-1 jafntefli gegn Stjörnunni í Garðabænum. Hann var ekki ánægður með Guðmund Ársæl dómara leiksins en Valsmenn vildu fá víti undir lok leiks er Rúnar Már féll innan teigs.
Lestu um leikinn: Stjarnan 1 - 1 Valur
,,Mér fannst dómgæslan léleg í leiknum. Við erum samt ekki að kenna henni um. Í fyrri hálfleik voru dæmdar 15-20 aukaspyrnur á okkur og við fengum að ég held ekki neina á þeirra vallarhelmingi."
,,Mér fannst þetta einnig pjúra víti í lokin og ég held að áhorfendur hafi aðalega verið óánægðir með það. Hann virðist taka boltann nokkuð vel frá mínu sjónarhorni en hann verður að fara fyrst í fótinn sem Rúnar stendur í til að komast í boltann. Hann hindrar hann en við sjáum þetta betur í sjónvarpinu. Heilt yfir fannst mér þetta ekki vel dæmt í dag. Ég er ánægður með dómgæsluna hingað til," sagði Magnús
,,Við fáum fullt af færum, Björgólfur Takefusa slapp nokkrum sinnum innfyrir og síðan áttum við að fá víti. Mér fannst við alltaf líklegir en Stjörnumenn voru líka að pressa á okkur. Það er yfirleitt skemmtilegast við þessa leiki hér í Garðabænum að Stjarnan hætta aldrei að sækja og hafa yfirleitt skorað mest í deildinni, sagði Maggi aðspurður út í lokakaflann í leiknum þar sem bæði lið sóttu til sigurs.
Viðtalið við Magnús er hægt að sjá í heild sinni í sjónvarpinu hér að ofan.
