Heimild: BBC
Manchester United goðsögnin Eric Cantona stendur nú í málaferlum við bandaríska knattspyrnufélagið New York Cosmos.
Cantona telur félagið skulda sér laun frá því þegar hann starfaði sem yfirmaður knattspyrnumála hjá félaginu á árunum 2011-2012.
Frakkinn fer fram á að fá greidd rúmlega 600 þúsund pund, eða um 125 milljónir í íslenskum krónum.
New York Cosmos er gamalgróið stórlið í Bandaríkjunum en á árum áður enduðu leikmenn á borð við Pele og Franz Beckenbauer glæstan feril sinn hjá félaginu.
Fyrir fimm árum stóð til að endurreisa félagið til fyrri frægðar og komast í MLS deildina. Ráðning Cantona var hluti af því ferli. Það misheppnaðist en liðið leikur nú í NASL deildinni og á meðal leikmanna liðsins eru Raul og Marcos Senna.
Athugasemdir