SR er að langmestu leyti skipað ungum Þrótturum í 2. flokki en reyndari kappar eins og Heiðar og Fjalar Þorgeirsson eru þó einnig á mála hjá félaginu.

„Það eru margir mjög góðir ungir strákar þarna. Ef það hittir þannig á að þeir eiga leik á sama tíma í 2. flokki þá verður hringt í mann en ég er ekki alveg búinn að ákveða hvað það verður mikið sem ég spila."

Búinn að spila í Sporthúsinu
Hinn 37 ára gamli Heiðar segir það ekki hafa heillað að spila með sínum gömlu félögum í Þrótti eftir að atvinnumannferlinum erlendis lauk. „Nei, þetta er ágætt. Spila annað slagið og hafa gaman," sagði Heiðar sem hefur aðeins sparkað í bolta síðan atvinnumannaferlinum lauk.

„Ég hef verið í fótbolta í Sporthúsinu einu sinni í viku síðan ég hætti. Þar er spilað fimm á fimm. Ég er ekki í neinu formi en maður getur hamast eitthvað aðeins."

Fær nóg af æfingunum
Heiðar fór af velli í síðari hálfleiknum í dag en hann segir alltaf jafn gaman í boltanum.

„Ég stífnaði aðeins í hálfleik í dag, það voru mistök að setjast niður. Það er alltaf gaman að spila leiki. Það er bara hitt vesenið, æfingarnar og það, sem maður fær nóg af," sagði Heiðar að lokum.