Eyjólfur Héðinsson fagnar meistaratitlinum með samherjum í kvöld.
Midtjylland tryggði sér í dag danska meistaratitilinn þegar liðið gerði markalaust jafntefli gegn Vestsjælland á útivelli.
Liðið hefur 10 stiga forystu á stórlið FCK þegar þrjár umferðir eru eftir og er því ljóst að félagið mun hampa titlinum í fyrsta sinn í sögunni.
Liðið hefur 10 stiga forystu á stórlið FCK þegar þrjár umferðir eru eftir og er því ljóst að félagið mun hampa titlinum í fyrsta sinn í sögunni.
Með félaginu spilar Eyjólfur Héðinsson, en hann hefur hinsvegar átt í miklum meiðslavandræðum og ekki spilað allt tímabilið.
Hjá Vestsjælland spilaði Eggert Gunnþór Jónsson allan leikinn en Frederik Schram var allan tímann á varamannebekknum.
Alls fóru fjórir leikir fram í deildinni í dag. Theódór Elmar Bjarnason spilaði allan leikinn í 0-1 tapi Randers gegn Hobro á heimvelli.
Þá tapaði Nordsjælland gegn Brondby 3-1. Var þetta fimmti ósigur liðsins í síðustu sex leikjum og hefur því ekki gengið vel hjá liði Ólafs Kristjánssonar síðustu vikurnar.
Guðmundur Þórarinsson var í byrjunarliði Nordsjælland á meðan þeir Rúnar Alex Rúnarsson, Adam Örn Arnarsson og Guðjón Baldvinsson hófu leik á bekknum. Af þeim kom einungis Adam Örn við sögu.
Athugasemdir
