Sigurmark Eyjólfs Héðinssonar fyrir Stjörnuna í kvöld var af dýrari gerðinni. Við báðum hann um að lýsa því fyrir okkur:
"Það var fast leikatriði, Hilmar er góður spyrnumaður og tók hana. Setti á Hólmbert sem er góður skallamaður og var ég þarna sem er ágætur skotmaður, boltinn skoppaði einu sinni og ég setti hann í samskeytin þó að varnarmennirnir hafi eitthvað verið að rembast við að reyna að ná honum. Það var geggjað ná honum í markið".
"Það var fast leikatriði, Hilmar er góður spyrnumaður og tók hana. Setti á Hólmbert sem er góður skallamaður og var ég þarna sem er ágætur skotmaður, boltinn skoppaði einu sinni og ég setti hann í samskeytin þó að varnarmennirnir hafi eitthvað verið að rembast við að reyna að ná honum. Það var geggjað ná honum í markið".
Stjarnan sýndi mikla þolinmæði og pressaði allt til enda.
"Við hættum aldrei að sækja, við trúðum allan tímann að við næðum sigurmarkinu. Það gefur manni mikla trú, við vorum að öskra hver á annan að við værum sterkir í lokin eins og við höfum gert í síðustu 4 - 5 leikjum og það gefur manni mikla trú."
Stjarnan er á góðu róli og Eyjólfur segir stemminguna góða.
"Það er mikil stemming og samheldni í liðinu og stemmingin í Garðabæ er góð. Það gengur vel hjá stelpunum líka og áhorfendur eru að vakna til lífsins í leikjunum, það er geggjað að koma á æfingar og í leiki og vonandi bara batnar þetta bara áfram!
Við erum líka feykisterkir likamlega, liðin eru að væla undan okkur og það er bara gott þegar svoleiðis."
Nánar er rætt við Eyjólf í viðtalinu sem fylgir hér.
Athugasemdir